وأنا منهو يهنيني ويداوي قلبي الوجعان
أنا ونيت يوم أني سمعت إخواني يطرونك ..


غديت بغبنتي وحنيت وصفت إحساسي للجدران
رحلت وربي ما ضنيت مصيري غيري تصونك ..


وناديتك ولا لبيت وتخالط شوقي بالهجران
بتنهيدة أنا ترجيت لي ربعي يجيبونك ..


يقولون ادفني ذكراه وانسي اللي خان
قسم بالله ما انساك ولو هالكون ينسونك ..


تروف بحالتي سارة وتحلف والله هو خسران
يواسوني رفيقاتي يقولن كلنـــا عونــــك ..


كبيرة بعين كل ربعي أموت وعزي ماينهان
كذا تخليني أصغرهم مع فلانة يلقونك ..


أنا مابي مهر منك ولا شبكة ولا فستان
طموحي احتضن حزنك وازين بالهنا كونك ..


أبيك تكون لي وحدي بديره مابها سكان
تنومني بوسط عينك وتلحف جسمي بجفونك ..


غناتي ليه تاخذها وتشمت فيني العدوان
وش اللي ساومك فيها وصغر شخصي بعيونك ..


وش اللي مو حلو فيني..؟؟ كسرت بخاطري يافلان
خبر عرسك قضى فيني هلكت قليبي بطعونك ..


(مزن )ضميتها وبليت شعرها بمدمعي الهتان
ياعمري خلو الخالة وعساهم ما يخلونـــــــك ..

يهون عليك ترخص بي وتجازي طيبتي بنكران
عشقت اهلك على شانك ولمت اللي يلومونك ..


أسفه والله أسفه مكتوب أهيم بسكة الأحزان
ومكتوب تلقى بنت ناس تعيش بدالي في كونك ..


ياشين اللحظة ذي والله تمنيت ألبس الأكفان
وأشوف الظلمة في قبري ولا بغيري يهنونك ..


يبين ارجوووك خذ روحي ونادو يا هلي الدفّان
ابيك تحس بجروحي.. وبتابوتي يمرونك ..


أبيك تشيل تابوتي على كتفك يغصن الـ بان
وتعرف قدري بموتي وتدمع لجلي عيونك ..

بذاك الوقت أبي امسح دموع الغالي بأكفاني
دموعك أغلى ما عندي يامالك كل وجداني ..


فراق أهلي وزواجك موت ، ودمعك موتي الثاني
خلاص ارحمني لاتبكي دخيل الله على شاني ..


زماني مارحم ضعفي هزم حسي وتحداني
عهد في قبري ما نساك تعال وزورني عاني ..


تعال خلني بحس إنك علي ولهـــــــــــان
وبفــــــــــرح وانا في وســـــــط تربـانــــــي..



بجرح الشاعرة/العنود بنت ناصر









من كتاباتها:

:: -------------------------------------- ::
أشوفك : [جرح] .. وأتعبني الغياب .. وطاري الفرقا ..!
واناظر سكتك .. ودي أعوّدلك .. ولا اقدر ..!!
وأحسبها :- إذا إني إبتعدت .. بعزتي بـ أرقا ..!
- وإذا إني جيت من عيني بطيح \\ بوسطها بـ ( أصغر ) ,,!
وأقرر : -أنثبر من زود جرحي - ( فالضياع ابقا ) ..!
- أدوس القلب..- وأتحطم .. ولا تغتر به اكثر ..!!
يا كبر الجرح .. والدمعه .. تناديلي .. وانا غرقا !!
أحاول أبتعد عنك .. أدوس الثوب .. اتعثر..!
:: -------------------------------------- ::

يجلدني : ( الوقت ) , (والتفكير) , (والغربة) !!
وأشيا كثـيييييره تمــــر الحين قدامــــي !!
وطير ٍبقلبـي هوى !! طاير بلا سربه ..
يفرد جناحه ( أمل ) ويطير بـ اقدامي !!
:: -------------------------------------- ::

شخصيتي نسخة عن أفكار ذاتك ..
كأن ربي من طباعـك .. خلقنـي !!
يعنـي كـأنـي إنـولـدت بصفـاتـك ..
أو إنهـا مـع السنـيـن إحتوتـنـي ..
إنتـه أنـا .. وأنـا أمـثـل حيـاتـك ..
لـو تلتفـت عينـك لعينـي لقتـنـي ..
:: -------------------------------------- ::

يا أمي ترى هالنـاس ماهـي بـيمـي !!
انا في وادي والخلايق فـي وادي ..!!
ودي ابــوح وينجـلـي كـــل هـمــي ..
لـيـت الحـظـوظ إنطولـهـا بـالأيـادي..
يالـيـت ربــي خالـقـه ولـــد عـمــي..
كان الأمور بتمشي اليوم ..عااااادي..
ما اقول غير إدعيلنـا بـس يـا أمـي ..
عسى الهنـا يقبـل وهالحـزن غـااادي
:: -------------------------------------- ::

الحب .. ( أطهر شي ) ممكن يلاقـــــيه ..
[شخـــــص ٍ] يدوّر في(حياته .. حياته)
:: -------------------------------------- ::
تعال يـ الله نوّر الصبح للناس ..
شكل الصباح إبدون نورك ترى ليل !!
:: -------------------------------------- ::
تدري؟؟ ولو ما قلتها لك [أحبكـ]...!
إني [أحبكـ] و [أعشـقكـ] و [آتحراكـ].....!!
..
يكفي طريقي بالعمر نفس "دربك"..
يكفيني قلب ٍ (لـــــو) تمنى .. !! تمنـــــــاك .....!!
..
ويكفيني إني عشت [لو يوم] "حبك"..!
ويكفيني اني نلت [لو لحظـــــه] "رضاااك"..
:: -------------------------------------- ::

مـ خـ،،ـرجـ/
اقول يابنات...لابو
لابو..
لابو الحب.. لابو جده...